AVVIŻI TAL-PARROĊĊA – Il-Ħadd 8 ta’ Marzu 2026
- Nhar it-Tnejn:
- Il-Kummissjoni Djakonija ser tagħmel żjara lill-anzjani residenti f’Dar Portiuncola, Baħar iċ-Ċagħak. Tluq minn quddiem il-knisja fid-9.30 a.m. Min jixtieq jiġi, jinkiteb fis-sagristija.
- Fil-4.45 p.m. issir l-ewwel qrara għat-tfal li jattendu l-Museum Bniet fil-Museum stess.
- Fis-7.00 p.m., ser ikollna ċelebrazzjoni penitenzjali immexxija mill-Kummissjoni Liturġija, fejn ikun hawn ukoll is-sagrament tal-qrar. Ser ikollna magħna lil Patri Damian Cachia O.Carm.
- Nhar l-Erbgħa:
- It-Terzjarji Karmelitani ser jorganizzaw Irtir tar-Randan fid-Dar tat-Talb Lunzjata, ir-Rabat. Tluq minn quddiem il-knisja fid-9.00 a.m. Imexxi l-irtir Patri Joseph Buttigieg OFM Cap.
- Nhar il-Ħamis:
- Il-quddiesa tat-8.30 a.m. tibda fit-8.00 a.m.
- Nhar il-Ġimgħa:
- Il-Festa Devota tar-Redentur:
- Fis-6.00 p.m. isir mument ta’ talb u meditazzjoni immexxi mill-abbatini dwar ir-raba’ misteru tat-tbatija.
- Fis-6.30 p.m. il quddiesa tal-festa tar-Redentur.
- Fis-7.00 p.m. toħroġ il-purċissjoni bil-vara tar-Redentur li tgħaddi minn dawn it-toroq: Triq il-Kbira San Ġużepp, Triq l-Imsida, Triq Romeo Romano, Triq Adelaide Cini, Triq il-Markiż John Scicluna, Triq l-Imsida, Triq Misraħ il-Barrieri, Misraħ Santa Venera u tidħol fil-Knisja l-Qadima.
- Nhar is-Sibt:
- Mid-9.00 a.m. ‘il quddiem isir it-tberik fi Triq Emmanuel Attard u Triq il-Parata.
- Fit-3.00 p.m. ser issir attività edukattiva għat-tfal bejn it-8 u l-10 snin u l-familji tagħhom, bl-isem ‘Wallpaper li jiġbed l-għajn’ ġewwa l-Aġenzija Żgħażagħ. Tinkludi storja animata għat-tfal u l-familji tagħhom biex jikbru spiritwalment u fil-kitba kreattiva. Għal aktar informazzjoni u biex tirreġistra żur is-sit sds.mt
- Il-quddiesa tas-6.30 p.m. tkun bis-sehem tal-Mixja Neokatekumenali.
- Nhar il-Ħadd:
- Il-quddiesa tas-6.00 p.m. tkun is-sehem tat-tfal u l-familji.
- Proġetti Knisja Parrokkjali:
- Bi pjaċir inħabbru, li l-ispiża tal-proġett tal-blinds tal-Knisja Parrokkjali hija miġbura kollha. Nirringrazzjawkom ħafna.
