AVVIŻI TAL-PARROĊĊA – Il-Ħadd 30 ta’ Novembru 2025
- Nhar it-Tnejn:
- Il-Kummissjoni Djakonija ser torganizza żjara fid-Dar tal-Kleru. Nitilqu minn quddiem il-Knisja Parrokkjali fl-9.45 a.m. Min jixtieq jiġi, jinkiteb fis-sagristija illum.
- Il-Kummissjoni Liturġija ser torganizza Ċelebrazzjoni Penitenzjali fil-bidu tal-Avvent, fil-Knisja Parrokkjali fis-7.00 p.m. Ikun hawn ukoll il-qrar. Imexxi ċ-Ċelebrazzjoni Patri Joseph Saliba O.Carm.
- Nhar it-Tlieta:
- Fil-quddiesa tast-8.30 a.m. ser isir it-tesserament tal-membri tal-Grupp Kompensatriċi, li jiltaqa’ kull l-ewwel Tlieta tax-Xahar. Dawk li ser jattendu, jinkitbu fis-sagristija illum.
- Nhar l-Erbgħa:
- Fil-Knisja Parrokkjali fil-5.00 p.m. issir il-laqgħa tat-Terzjarji Karmelitani.
- Nhar il-Ġimgħa:
- Hija l-ewwel Ġimgħa tax-Xahar, jum ta’ devozzjoni lejn il-Qalb ta’ Ġesu’. Wara l-quddies tat-8.30 a.m. u tas-6.30 p.m. ikun hawn l-adorazzjoni.
- Nhar is-Sibt:
- Mid-9.00 a.m. ‘il quddiem isir it-tberik fi Triq il-Blata l-Kaħla, Triq is-Soll u Triq iż-Żonqor.
- Fit-7.45 p.m. fil-Knisja Parrokkjali ser ikun hawn Kunċert bis-sehem tas-Saint Venera Choir u diversi korijiet internazzjonali. Kulħadd mistieden.
- Nhar il-Ħadd:
- Lejliet il-Festa tal-Immakulata Kunċizzjoni. Fil-Knisja Parrokkjali fis-6.00 p.m. issir il-Quddiesa ta’ Lejliet l-Immakulata. Kif tintemm il-quddiesa issir mixja devota mill-Knisja Parrokkjali sa’ quddiem in-niċċa tal-Kunċizzjoni fi Triq il-Kanun fejn issir Ċelebrazzjoni Marjana. Kulħadd imħeġġeġ jieħu sehem u jġib miegħu fjuri jew xemgħa biex inqegħduhom quddiem in-niċċa tal-Kunċizzjoni.
- Irtir tal-Avvent
- It-Terzjarji Karmelitani ser jorganizzaw Irtir tal-Avvent fid-Dar tat-Talb Lunzjata, l-Erbgħa 10 ta’ Diċembru. Imexxi l-irtir Dun Marco Portelli. Tluq minn quddiem il-Knisja Parrokkjali fid-9.00 a.m. Min ġej, jinkiteb fis-sagristija mhux aktar tard minn nhar il-Ħadd.
