AVVIŻI TAL-PARROĊĊA – Il-Ħadd 7 ta’ Diċembru 2025
- Illum il-Ħadd:
- Lejliet il-Festa tal-Immakulata Kunċizzjoni. Fil-Knisja Parrokkjali fis-6.00 p.m. issir il-Quddiesa ta’ Lejliet l-Immakulata bis-sehem tat-tfal u l-familji. Kif tintemm il-quddiesa issir mixja devota mill-Knisja Parrokkjali sa’ quddiem in-niċċa tal-Kunċizzjoni fi Triq il-Kanun fejn issir Ċelebrazzjoni Marjana. Kulħadd imħeġġeġ jieħu sehem u jġib miegħu fjuri jew xemgħa biex inqegħduhom quddiem in-niċċa tal-Kunċizzjoni.
- Nhar it-Tnejn:
- Hija l-Festa tat-Tnissil bla Tebgħa tal-Madonna (l-Immakulata Kunċizzjoni). Ħaġa sabiħa li nieħdu sehem fil-quddiesa. Il-ħin tal-quddies ikun bħal ta’ matul il-ġimgħa. Fis-6.00 p.m. jkun hawn l-Għasar u fis-6.30 p.m. il-quddiesa tal-festa tal-Immakulata.
- Nhar l-Erbgħa:
- Dawk li bbukkjaw għall-Irtir organizzat mit-Terzjarji Karmelitani, nitilqu minn quddiem il-Knisja Parrokkjali għal-Lunzjata r-Rabat, fid-9.00 a.m.
- Nhar il-Ħamis:
- Fil-Knisja Parrokkjali fis-7.00 p.m. ikun hawn il-kunċert u l-premjazzjoni tal-Milied mill-Museum tal-Bniet.
- Nhar il-Ġimgħa:
- Fiċ-Ċentru Parrokkjali fis-6.30 p.m. isir irtir għall-katekisti immexxi minn Patri Joseph Buttigieg OFM. Cap.
- Nhar il-Ħadd:
- Fil-quddiesa tad-9.00 a.m. ikun amministrat is-sagrament tal-magħmudija.
- Il-quddiesa tal-11.30 a.m. tkun bis-sehem tat-tfal u l-familji
- Avviżi oħra:
- Il-ġabra li saret b’risq il-ħidma pastorali fil-Parroċċa kienet ta’ € 603.96.
- Dawk li jixtiequ jġibu punsjetta l-knisja biex narmaw għall-Milied, napprezzaw ħafna.
